快捷搜索:  创意文化园  as  test  五一劳动节  莫高  劳动节  丹魄  阿尔萨斯

都市點評 黃宗澤Bosco 揀飲澤食

2019年4月13日

請選擇新聞都市點評 黃宗澤Bosco 揀飲澤食唐安麒 麒在韓國 應節黑炸醬麵日本新紙幣設計 2024年全面更新肯德基轉代言人? 帥氣型男真實身份原來係⋯⋯東京KIKKA酒店 入住救助非洲兒童

2019/04/12 (週五) 12:00上午

都市點評 黃宗澤Bosco 揀飲澤食

今時今日不再是“男主外,女主內”,要成為一個“加分”的男人,除了要事業有成、外表俊俏、高大爆肌外,識得下廚整番幾味就必定冧死女,故不少港女都對廚藝了得的謝霆鋒、吳尊、速水直道等流晒口水,惜大部分“男教煮”已名草有主,好在香港仲有個“鑽石黃老五”,說的就是6年前升呢蠔吧“OysterMine”老闆的黃宗澤!“我覺得人生不能夠冇咗煮嘢食呢個環節,不過搵另一半又唔使廚藝了得,因為廚房係一山不能藏二虎。”所以說,做“澤嫂”不單止好幸福,仲好有口福,但想入門?他說:“過得我媽嗰個都係仙女嚟,佢咁奄尖!”即是過到黃媽媽一關先講啦!

撰文:黎寶倫|攝影:ChaseK
服裝:Zadig & Voltaire|造型:Queenie Yu
髮型:Jun @ HH salon.nail
化妝:Miko Wong by Cyrus Lee team

現年38歲的黃宗澤(Bosco)可謂百足咁多爪,除了演藝事業外,他早年更開始涉足飲食界,分別於香港、馬來西亞經營食肆及酒吧,又於國內、外狂掃物業作投資。事業愈撈愈掂,其13年於九龍城開設的蠔吧OysterMine,去年9月為擴充業務,亦正式搬到尖沙咀中港城的3,000呎大舖!

無限新鮮感
“依家客路唔同啲,氣氛都唔同咗,因為呢度做埋日頭,好多白領晏晝落嚟食Lunch,有時未到晚飯又會有人嚟下午茶、Happy Hour,所以菜式都多咗。”OysterMine主打新鮮生蠔,還有不少創意美食,最大的特色是“轉得夠快”,即是不定期換新菜式,務求給予食客新鮮感。而最新推出的Brunch,除了有All Day Breakfast Set、Free-flow Wine外,更可加錢一嘗“美國西冷牛扒”、“香煎白鱈魚柳”等主食,或追加288至320元,即可分別享用“環球生蠔任食”及“法國生蠔任食”,認真抵到爛!

Bosco直言此乃朋友提議,亦是受早前西班牙之旅所啟發,“我好鍾意行街市,見到10點幾晏晝未到,啲人坐晒喺啲檔口仔食生蠔、海鮮,已經飲緊Cava(西班牙香檳),心諗咁早?跟住我同當地人傾偈,佢哋話西班牙人就係咁,星期六、日朝早起身鍾意咪飲囉,好似好輕鬆咁,但香港人唔係,星期六、日仲Message緊你『嗰份文件幾時做好呀?幾時交呀?』我覺得如果有個咁嘅地方,唔係太貴又Afford得起,幾百蚊食吓嘢、飲吓嘢、Hea吓,我覺得係一個幾好嘅選擇。”
大牌檔情懷
不過堂堂一個大台小生,為何貿貿然走去開餐廳呢?原來早於中學時期,一心想做廚師的Bosco已於親戚經營的大牌檔學煮菜,由打雜、清潔、執碼到揸鑊鏟,一步步磨練出精湛的廚藝。可是,怎麼突然從“中”轉搞西餐呢?“因為大牌檔冇冷氣嘛!”他大笑道,接着續說:“其實飲食方面我冇分中西餐,我都鍾意嘅,又鍾意周圍去食嘢,可能下次係開其他菜式都未定。”
那麼會否考慮重操故業,開大牌檔呢?Bosco即嘆一口長氣說:“大牌檔就嚟冇㗎喇,我都有啲心噏!”眼見沙田沙角邨的舊式“冬菇亭”變為歷史,昔日在此打躉、學廚的他亦大感不捨,即便於市區開舖做大牌檔美食,他也覺得難以保留那份傳統風味,“以前個爐冚冚聲,但入咗舖未必做到咁大火,好多都唔同咗,其實人長大咗都會覺得有啲嘢……譬如菜式、食材或人情味,係需要珍惜嘅。”因此,他特別珍惜公餘與家人、朋友相處的時間,尤其嚮往獨自在廚房整色整水,大宴親朋,“人生不能夠冇咗煮嘢食呢個環節。”
黃太揀新抱
閒時喜歡煮番幾味,難道不想找個伴一齊玩煮飯仔嗎?“畀我揀,煮畀女友定一大班人呢,我一定係揀煮畀一大班人食,因為好玩嘛,可以煮多幾樣嘢,你開得爐就唔好煮兩樣啦。咁啲女仔食兩啖就飽,點算呢?食唔到啲咩嘢㗎喎,同埋細份好難整㗎!”言下之意,Bosco應該不介意另一半是個“肉感為食妹”吧?“肥唔肥好睇個人嘅,你食完又唔做運動,冇辦法,實肥!”
還有一點──擇偶條件毋須廚藝了得,皆因他認為廚房中“一山不能藏二虎”,“唔好講女友,我同阿媽都唔可以同時間出現喺廚房裏面,如果唔係何止嗌交,雲石枱都拍爛呀!至於我定媽咪廚藝勁啲?呢啲咁大逆不道嘅嘢我唔敢講,哈哈!”問黃媽媽可恨有一個賢良淑德的新抱?他說:“過得我媽嗰個都係仙女嚟,我媽咁奄尖!”恰巧緋聞女友陳嘉桓(Rose)樣靚身材正,十足仙女一樣,加上鍾意飲飲食食又擦得,完全符合兩母子要求,究竟Rose是否其心中杯茶?Bosco抵死笑道:“蘇施黃夠鍾意食嘢啦,你唔好話蘇施黃!”吹脹!

OysterMine Restaurant
電話:2382 8234、2382 8432
地址:尖沙咀廣東道33號中港城第三座平台1A號舖
營業時間:星期一至日11:30 -23:30

发表评论
sunbet声明:该文看法仅代表作者自己,与本平台无关。请自觉遵守互联网相关的政策法规,严禁发布色情、暴力、反动的言论。
评价:
表情:
用户名: 验证码:点击我更换图片

您可能还会对下面的文章感兴趣: